Шымкент қаласы жастар саясаты басқармасы “Жастар ресурстық орталығы” КММ-нің ұйымдастыруымен Жол-көлік колледжінің жастары арасында АИТВ-жұқпасының алдын алу бойынша ақпараттық-түсіндірме жұмыстары жүргізілді.
Кездесу барысында жастарға АИТВ-ның таралу жолдары, инфекцияның алдын алу шаралары, қауіпсіздік ережелері және жеке денсаулыққа жауапкершілік туралы маңызды ақпараттар берілді.
Шараға Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталығы» профилактикалық бөлімінің педагогы Джарасбай Аяжан Калдыбекқызы қатысып, жастардың сұрақтарына жауап берді.
Сонымен қатар жастарға АИТВ-жұқпасына жедел-тест арқылы ерікті түрде тексерілу мүмкіндігі ұсынылып, тестілеуге дейінгі және кейінгі кеңес беру жұмыстары жүргізілді.
