2026 жылдың 10–11 маусым күндері колледждің оқу-өндірістік базасында дәстүрлі «WorldSkills Shymkent–2026» қалалық кәсіби шеберлік чемпионаты өз жалғасын тапты.
Чемпионатқа Шымкент қаласындағы техникалық және кәсіптік білім беру ұйымдарының студенттері қатысып, өздерінің кәсіби құзыреттіліктері мен практикалық дағдыларын көрсетті. Байқау барысында қатысушылар өз құзыреттіліктері бойынша күрделі тапсырмаларды орындап, тәжірибе алмасып, кәсіби деңгейлерін шыңдауға мүмкіндік алды.
WorldSkills қозғалысының басты мақсаты – жастардың жұмысшы мамандықтарына деген қызығушылығын арттыру, кәсіби шеберлікті дамыту және еңбек нарығына білікті мамандар даярлауға ықпал ету.
Барлық қатысушыларға сәттілік, жоғары нәтижелер мен жеңіс тілейміз! Жас мамандардың кәсіби дамуына жол ашатын бұл чемпионат олардың болашақ жетістіктеріне берік негіз болады деп сенеміз.
